बिश्वकप २०२६ गुमाउने चर्चित  विश्वस्तरीय २० स्टार खेलाडीहरू

फुटबलको सबैभन्दा ठूलो प्रतियोगिता FIFA World Cup

 २०२६ सुरु हुन अब १ महिनाभन्दा पनि कम समय बाँकी रहँदा 

  यसपटक केही विश्वस्तरीय स्टार खेलाडीहरू नदेखिने भएका छन्।

यसले विश्वभर रहेका उनीहरूका समर्थकहरूलाई निराश बनाएको छ। 

कोही खेलाडी आफ्नो देश नै बिश्वकपका लागि छनोट हुन नसकेपछि बाहिरिएका छन् भने,

 केही खेलाडी देश छनोट भए पनि चोट वा अन्तिम टोलीमा स्थान नपाएर बिश्वकप गुमाउने अवस्थामा पुगेका छन्।

20.Kingsley Coman 

फ्रान्सेली विंगर किङ्स्ले कोमान चोटपटकका समस्यासँग संघर्ष गर्दै आएका छन्।

बारम्बार हुने चोटपटकका समस्याहरू र अपेक्षाकृत कम गोल योगदानका कारण कोमानलाई 

आफ्नो क्लब तथा राष्ट्रिय टोली दुवैमा नियमित रूपमा सुरुआती ११ मा स्थान कायम राख्न कठिन भइरहेको छ।

19. Jan Oblak (जान ओब्लाक)

स्लोभेनियाले खराब छनोट यात्रा बिताएपछि ओब्लाकले बिश्वकप २०२६ मा स्थान बनाउन सकेनन्। यससँगै आफ्नो पुस्ताकै उत्कृष्ट गोलकिपरमध्ये एक जान ओब्लाकले सम्भवतः आफ्नो करियरभर बिश्वकप खेल्न नपाउने अवस्था बनेको छ।

सन् २०३० सम्म उनी ३७ वर्षका हुनेछन्। गोलकिपरहरू धेरै उमेरसम्म खेल्न सक्ने भए पनि पछिल्ला वर्षहरूमा ओब्लाकको पुरानोजस्तो निरन्तर उत्कृष्ट प्रदर्शन केही घटेको देखिएको छ।

तर जबसम्म उनी खेल्छन्, स्लोभेनियाको नम्बर १ गोलकिपर भने उनी नै रहने सम्भावना छ।

18. Dušan Vlahović (दुसान भ्लाहोभिच)

सर्बियाले छनोट चरणमा निकै निराशाजनक प्रदर्शन गर्‍यो। धेरैले सर्बियालाई ‘डार्क हर्स’ टोली मान्ने गरे पनि यसपटक बिश्वकपमा पुग्न सकेन।

भ्लाहोभिचले फियोरेन्टिनाबाट युभेन्टस गएपछि अपेक्षित स्तरमा विकास गर्न सकेनन्। उनी र अलेक्जेन्डर मिट्रोभिचबीचको तालमेल पनि राम्रो देखिएन।

सर्बियाले ८ खेलमा जम्मा ९ गोल मात्र गर्‍यो, जसमा भ्लाहोभिचका २ गोल थिए। टोली अल्बानियाभन्दा १ अंकले

पछि पर्दै बाहिरियो।

17. Karim Adeyemi (करिम अडेयेमी)

जर्मनीका प्रशिक्षक जुलियन नागेल्समानले करिम अडेयेमीलाई टोलीमा नराख्ने निर्णय गरेपछि धेरै समर्थक चकित बने।

उनको तीव्र गति र डिफेन्स पछाडि दौडने क्षमता जर्मनीका अन्य आक्रमणकारी खेलाडीभन्दा फरक विशेषता हो। बोरुसिया डर्टमण्डका लागि उनले धेरै खेलमा महत्त्वपूर्ण भूमिका खेलेका थिए।

यद्यपि उनको गोल संख्या धेरै प्रभावशाली नरहेकाले अन्तिम टोलीमा स्थान बनाउन सकेनन्।

16. Eduardo Camavinga (एडुआर्डो कामाभिंगा)

फ्रान्स बिश्वकपजित्ने मध्ये एक दाबेदार टोलि हो तर रियल म्याड्रिडका मिडफिल्डर एडुआर्डो कामाभिंगा टोलीमा छैनन्।

उनी विश्वकै प्रतिभाशाली युवा खेलाडीमध्ये एक मानिन्छन्, तर यस सिजन क्लबस्तरमा निरन्तर राम्रो प्रदर्शन गर्न सकेनन्।

फ्रान्स टोलीबाट बाहिरिनु उनको लागि ठूलो झट्का बनेको छ।

 15. Trent Alexander-Arnold (ट्रेन्ट अलेक्जेन्डर–आर्नोल्ड)

इङ्ग्ल्यान्डका प्रशिक्षक थोमस टुचेलले तीन जना प्राकृतिक राइट ब्याक टोलीमा राखे, तर ट्रेन्टलाई भने समावेश गरेनन्।

रियल म्याड्रिडमा उनको पहिलो सिजन कठिन रह्यो। नियमित स्थान बनाउन संघर्ष गर्नुका साथै उनको डिफेन्स कमजोरीमाथि थप प्रश्न उठ्यो।

उनको उत्कृष्ट पासिङ क्षमता भए पनि टुचेलले बढी सन्तुलित डिफेन्डरलाई प्राथमिकता दिए।

 14. Nicolò Barella (निकोलो बारेला)

इन्टर मिलानका स्टार मिडफिल्डर निकोलो बारेलाले अझैसम्म बिश्वकप खेल्न पाएका छैनन्।

इटाली लगातार तेस्रो पटक बिश्वकपमा छनोट हुन असफल भएपछि बारेला लगायत धेरै स्टार खेलाडीहरू घरमै बस्न बाध्य भए।

 13. Serhou Guirassy (सेरहाउ गुइरासी)

गिनियाले इतिहासमै कहिल्यै बिश्वकप खेलेको छैन, र २०२६ मा पनि खेल्ने छैन।

बोरुसिया डर्टमण्डका स्ट्राइकर गुइरासीले उत्कृष्ट क्लब प्रदर्शन गरे पनि आफ्नो देशलाई बिश्वकप पुर्‍याउन सकेनन्।

 12. Ademola Lookman (अडेमोला लुकम्यान)

नाइजेरियाको खराब छनोट अभियानका कारण अडेमोला लुकम्यान बिश्वकपबाट बाहिरिएका छन्।

अट्लान्टासँग उत्कृष्ट प्रदर्शन गरेका उनले २०२४ Ballon d’Or मा १४औं स्थान हासिल गरेका थिए।

 11. Benjamin Šeško (बेन्जामिन सेस्को)

स्लोभेनियाका युवा स्ट्राइकर बेन्जामिन सेस्को आफ्नो टोलीलाई बिश्वकपमा पुर्‍याउन असफल भए।

उनी भविष्यका स्टार मानिए पनि अहिले व्यक्तिगत रूपमा टोलीलाई जिताउने स्तरमा अझै पुगेका छैनन्।

10. Cole Palmer (कोल पाल्मर)

चेल्सीका युवा स्टार कोल पाल्मर सुरुवातमा इङ्ग्ल्यान्ड टोलीमा पर्ने आशा गरिएको थियो।

तर पछिल्लो समय क्लबस्तरमा उनको प्रदर्शन खस्किएपछि टुचेलले टोलीमा राखेनन्।

 9. Phil Foden (फिल फोडेन)

म्यानचेस्टर सिटीका स्टार फिल फोडेन पनि बिश्वकप टोलीबाट बाहिरिएका छन्।

क्लबमा उत्कृष्ट देखिए पनि इङ्ग्ल्यान्डका लागि उनले त्यही स्तर दोहोर्‍याउन सकेनन्।

 8. Sandro Tonali (सान्द्रो टोनाली)

इटाली लगातार तेस्रो पटक बिश्वकप गुमाउँदा न्यूक्यासलका मिडफिल्डर सान्द्रो टोनाली पनि बाहिरिए।

बोस्निया विरुद्धको प्लेअफ हार इटालीका लागि ठूलो धक्का बन्यो।

 7. João Pedro (जोआओ पेड्रो)

चेल्सीका स्ट्राइकर जोआओ पेड्रोको नाम ब्राजिल टोलीमा नपरेपछि धेरै समर्थक अचम्ममा परे।

२३ गोल गरे पनि प्रशिक्षक कार्लो एन्सेलोटीले उनलाई टोलीमा राखेनन्।

 6. Bryan Mbeumo (ब्रायन म्बेउमो)

क्यामरुन DR Congo सँग हार्दै बिश्वकपबाट बाहिरियो।

यससँगै म्यानचेस्टर युनाइटेडका फरवार्ड ब्रायन म्बेउमो पनि बिश्वकप गुमाउने भएका छन्।

 5. Robert Lewandowski (रोबर्ट लेवान्डोस्की)

२०२६ बिश्वकप लेवान्डोस्कीको अन्तिम अवसर थियो।

तर पोल्यान्ड प्लेअफमा स्विडेनसँग हार्दै बाहिरियो। यसले उनको शानदार करियरमा ठूलो पीडा थपेको छ।

 4. Victor Osimhen (भिक्टर ओसिम्हेन)

नाइजेरिया DR Congo सँग पेनाल्टीमा हार्दै बिश्वकपबाट बाहिरियो।

यससँगै अफ्रिकाका उत्कृष्ट स्ट्राइकरमध्ये एक भिक्टर ओसिम्हेन पनि बिश्वकपमा नदेखिने भएका छन्।

 3. Gianluigi Donnarumma (जियानलुइजी डोनारुम्मा)

इटालीका स्टार गोलकिपर डोनारुम्माले अझैसम्म बिश्वकप खेल्न पाएका छैनन्।

युरो २०२० का हिरो भए पनि इटाली फेरि छनोट हुन नसकेपछि उनी घरमै बस्न बाध्य भए।

 2. Dominik Szoboszlai (डोमिनिक सोबोस्लाई)

हंगेरी अन्तिम समयमा आयरल्यान्डसँग हार्दै प्लेअफ अवसर गुमायो।

लिभरपुलका स्टार सोबोस्लाई उत्कृष्ट प्रदर्शनमा रहे पनि आफ्नो देशलाई बिश्वकप पुर्‍याउन सकेनन्।

 1. Khvicha Kvaratskhelia (ख्भिचा क्वारात्स्खेलिया)

जर्जियाका सुपरस्टार ख्भिचा क्वारात्स्खेलिया युरो २०२४ का चर्चित खेलाडीमध्ये एक थिए।

PSG सँग च्याम्पियन्स लिग जितेका उनले उत्कृष्ट सिजन बिताए पनि जर्जिया छनोट हुन नसक्दा बिश्वकप २०२६ गुमाउने भएका छन्।

उनको अनुपस्थितिले बिश्वकपको आकर्षण केही घट्ने निश्चित छ।

winner update

2026/5/28